ՆԱՏՕ-ում Ռուսաստանը «ահաբեկչական պետություն» ճանաչելու բանաձև է հրապարակվել
ՆԱՏՕ-ի Խորհրդարանական վեհաժողովի կայքում հրապարակվել է բանաձեւ, որում Հյուսիսատլանտյան դաշինքի անդամ երկրների կառավարություններն ու խորհրդարանները կոչ են անում «հստակորեն նշել, որ ներկայիս ռեժիմի օրոք ռուսական պետությունը ահաբեկչական պետություն է»։ Այս մասին հայտնում է Meduza-ն:
Ավելի վաղ հայտնի էր դարձել, որ Եվրոպայի խորհրդի խորհրդարանական վեհաժողովը (ԵԽԽՎ) խորհուրդ է տվել անդամ երկրներին Ռուսաստանը ճանաչել որպես «ահաբեկչական ռեժիմ»։
ԵԽԽՎ պատվիրակների կարծիքով՝ օկուպացված ուկրաինական տարածքների անօրինական բռնակցումը, միջուկային զենքի կիրառման սպառնալիքը և Ռուսաստանի ներսում բռնաճնշումների ուժեղացումը երկիրը դարձնում են «ահաբեկչական»։
