Արցախում՝ ռուս խաղաղապահները հրադադարի ռեժիմի խախտում են արձանագրել
Լեռնային Ղարաբաղում՝ խաղաղապահների պատասխանատվության գոտում գտնվող Մարտունու շրջանում, արձանագրվել է Ադրբեջանի կողմից հրադադարի ռեժիմի խախտում, ասվում է ՌԴ ՊՆ ռուս խաղաղապահների գործունեության մասին տեղեկագրում։
«Արձանագրվել է հրադադարի ռեժիմի մեկ խախտում. Մարտունու շրջանի Ավդուր գյուղի մերձակայքում՝ ադրբեջանական զինուժի դիտակետից, հրազենից կրակ է բացվել գյուղատնտեսական աշխատանքներ կատարող տրակտորի վրա, ասվում է զեկույցում։ Գնդակոծության հետևանքով զոհեր և վիրավորներ չկան։ Միջադեպը հետաքննում է ռուսական խաղաղապահ զորախմբի հրամանատարությունը՝ համագործակցելով ադրբեջանական և հայկական կողմերի ներկայացուցիչների հետ»,- ,-նշվում է հաղորդագրությունում:
