ՀՀ ԱԳՆ–ն` Սեուլում տեղի ունեցած ողբերգության մասին
Հարավային Կորեայի մայրաքաղաք Սեուլի Իթհեվոն շրջանում հրմշտոցի ժամանակ տեղի ունեցած ողբերգության ժամանակ տուժած ՀՀ քաղաքացիների մասին դեռևս տվյալներ չկան։
Այս մասին հայտնել է ՀՀ արտաքին գործերրի նախարարի մամուլի խոսնակ Վահան Հունանյանը։
«Այս պահի դրությամբ առկա տվյալների համաձայն, տուժած ՀՀ քաղաքացիներ չկան», - ասաց Հունանյանը։
Հիշեցնենք, որ Հելոուինին նվիրված միջոցառումների ժամանակ տեղի ունեցած հրմշտոցի հետևանքով առնվազն 153 մարդ է մահացել, ևս 103-ը տուժել է, անհետ կորած են համարվում մոտ 350 մարդ։ Վերջին տվյալներով, մահացածներից 22-ը օտարերկրացիներ են, այդ թվում՝ Ռուսաստանի (20-30 տարեկան 4 աղջիկ), Ղազախստանի, Ուզբեկստանի քաղաքացիներ։
Թվերը վերջնական չեն, դրանք պարբերաբար փոփոխվում են։ Հարավային Կորեայի նախագահ Յուն Սոկ Յոլը մինչև նոյեմբերի 5-ը ներառյալ ազգային սուգ է հայտարարել։
