«Պատերազմում հաղթողներ չեն լինի». Էրդողան
Թուրքիայի նախագահ Ռեջեփ Թայիփ Էրդողանը Բալիում G20-ի գագաթնաժողովին մասնակցելուն հաջորդած մամուլի ասուլիսում ասել է, որ ուկրաինական ճգնաժամում հաղթողներ չեն լինի, և բոլորը կշահեն խաղաղությունից։
«Խաղաղության ճանապարհը երկխոսության միջոցով է: Պատերազմում հաղթողներ չեն լինի, բոլորը կշահեն խաղաղությունից»,- ասել է Էրդողանը: Նրա խոսքերը մեջբերում է ՏԱՍՍ-ը։
Էրդողանը նշել է, որ այն պայմաններում, երբ ջանքեր են գործադրվում Կիևի և Մոսկվայի միջև բանակցություններ վարելու համար, կարիք չկա միջավայր ստեղծել «այս հակամարտությունը երրորդ համաշխարհային պատերազմի վերածելու համար»։
