«Այն, ինչ ես տեսել եմ երեկ, երբեք չէի տեսել». ինչ է պատմել Զախարովան
Ռուսաստանի ԱԳՆ պաշտոնական ներկայացուցիչ Մարիա Զախարովան պատմել է Կամբոջայում տեղի ունեցած միջադեպի մասին, որտեղ այցով գտնվում էր արտգործնախարար Սերգեյ Լավրովը: Նրա խոսքով՝ շենքից դուրս գալու ժամանակ, որտեղ տեղի են ունեցել միջոցառումները, Լավրովի մոտ մի կին է վազել։ Տեղեկատվությունը փոխանցում է RT-ն:
«Այն, ինչ ես տեսել եմ երեկ, երբեք չէի տեսել», — ասել է Զախարովան:
Նրա խոսքով՝ կինը, ով ներկայացել է որպես լրագրող, միացրել է տեսագրությամբ հեռախոսը, ընդ որում՝ ոչ մի հարց չի տվել:
«Նա այս հեռախոսով նաև փորձել է դիպչել ռուս նախարարին»,- հավելել է Զախարովան։ Նա դա անվանել է «բացահայտ սադրանք»:
