Ինչ իրավիճակ է Պեմզաշենում
Շիրակի մարզի Արթիկ խոշորացված համայնքի Պեմզաշեն բնակավայրում տեղի ունեցած սահմռկեցուցիչ սպանությունները ցնցել են հայ հասարակությանը։ Auroranews-ը խոշորացված համայնքի ղեկավարից Անանիկ Ոսկանյանից հետաքրքրվեց, թե Պեմզաշենում այս պահին ինչ իրավիճակ է, լարվածություն կա՞։
Ըստ Ոսկանյանի՝ գյուղում լարվածություն չկա, ոստիկանները հետևում են, որ ամեն բան նորմալ լինի։
Հարցին՝ գյուղացիները տեղյա՞կ են, որևէ վարկած շրջանառվու՞մ է, թե ինչու են իրենց համագյուղացիները նման սարսափելի քայլի գնացել, նշեց, որ ոստիկանությունը քննություն է կատարում, իրենք ոչինչ չգիտեն․ «Միայն կարող եմ ասել, որ շրջանառվող վարկածների մեծ մասն իրականությանը չի համապատասխանում»։
