«Փաշինյանն ակամայից խոստովանում է». ի՞նչ է նկատել քաղաքագետը
Քաղաքագետ Սուրեն Սուրենյանցը գրում է. «Նիկոլ Փաշինյանի՝ Ադրբեջանի ագրեսիվ քաղաքականությանը տված բոլոր գնահատականներն, անշուշտ, համարժեք են: Այստեղ խնդիրն այլ է. Փաշինյանն ակամայից խոստովանում է, որ չի գործում միջնորդական հաթակների պատասխանատվության (երաշխավորության) ինստիտուտը: Այս պարագայում հարց է առաջանում՝ իսկ ո՞րն է Հայաստանի օրակարգը, որովհետև Բաքուն՝ իր ագրեսիվ վարքագծով հանդերձ, գոնե առայժմ որևէ լուրջ պրոբլեմների չի բախվում թե Մոսկվայում, թե արևմտյան մայրաքաղաքներում: Ստեղծված իրավիճակում ի՞նչ է Հայաստանն առաջարկելու միջնորդներին: Այսպես ասած, «խաղաղության դարաշրջանի» խոսույթը, կարծես, չի աշխատում...»:
Հիշեցնենք, որ այսօր Կառավարության հերթական նիստում Նիկոլ Փաշինյանը ավելի քան 30 րոպե ելույթ ունեցավ` անդրադառնալով օրեր առաջ Շուշիում Ալիևի հոխորտանքին:
