Բայրամովը` Բլինքենի ու Միրզոյանի հետ ունեցած հանդիպման մասին
Ադրբեջանի արտգործնախարար Ջեյհուն Բայրամովը թվիթերյան իր հաշվում գրառում է արել նախօրեին Վաշինգտոնում կայացած ԱՄՆ պետքարտուղար Էնթոնի Բլինքենի ևՀայաստանի ԱԳ նախարար Արարատ Միրզոյանի հետ հանդիպման մասին:
«ԱՄՆ պետքարտուղար Էնթոնի Բլինքենի նախաձեռնությամբ Վաշինգտոնում հանդիպեցի Հայաստանի ԱԳ նախարար Արարատ Միրզոյանի հետ։ Ես ևս մեկ անգամ վերահաստատեցի Ադրբեջանի հանձնառությունն ու պատրաստակամությունը խաղաղությա համաձայնագրի շուտափույթ կնքմանը և կոչ արեցի զերծ մնալ գործողություններից, որոնք կխաթարեն գործընթացը»,- գրել է Բայրամովը։
Հիշեցնենք, որ եռակողմ հանդիպումից հետո ՀՀ ԱԳՆ-ն արդեն իսկ հանդես է եկել պաշտոնական հաղորդագրությամբ, իսկ ԱՄՆ Պետքարտուղարությունը հրապարակել է Էնթընի Բլինքենի բացման խոսքը բանակցություններին ընդառաջ։
