Հունգարիայի ԱԳ նախարարը բացահայտ արտահայտվել Է Ուկրաինային օգնության անթույլատրելիության մասին

Հունգարիայի ԱԳ նախարար Պետեր Սիյարտոն բացահայտ արտահայտվել Է Ուկրաինային օգնության անթույլատրելիության եւ հակամարտության կարգավորման մասին:

«Պատժամիջոցների փոխարեն ԵՄ-ն պետք է կենտրոնանա այն բանի վրա, թե ինչպես մենք կարող ենք օգնել վերջնականապես խաղաղություն հաստատել տարածաշրջանում, եւ, իհարկե, խաղաղությունը կգա միայն քննարկումների միջոցով, բանակցությունների միջոցով։ Բայց խնդիրն այն է, որ մենք միակն ենք Եվրոպայում, ով հանդես է գալիս խաղաղության օգտին»,-ասել է նա:

Սիյարտոն ընդգծել է, որ Հունգարիան միակ երկիրն է Եվրոպայում, որը զենք չի մատակարարում Ուկրաինային։ Իսկ բոլոր այն երկրները, որոնք օգնում են ԶՈՒ-ին, նրա խոսքով, միայն նպաստում են հակամարտության բռնկմանը։