Էրդողանը` Խերսոնից ռուսական զորքերի դուրսբերման մասին
Խերսոնից ռուսական զորքերը դուրս բերելու որոշումը ճիշտ է: Նման կարծիք է հայտնել Թուրքիայի նախագահ Ռեջեփ Թայիփ Էրդողանը լրագրողների հետ զրույցում:
Տեղեկատվությունը փոխանցում են թուրքական լրատվականները:
«Խերսոնի վերաբերյալ Ռուսաստանի որոշումը դրական որոշում է, կարևոր որոշում։ Չգիտեմ՝ Ռուսաստանը կմասնակցի G20 գագաթնաժողովին, թե ոչ։ Եթե այո, ապա մենք այնտեղ հանդիպելու հնարավորություն կունենանք։ Հակառակ դեպքում մենք կշարունակենք հեռախոսային դիվանագիտություն վարել Ռուսաստանի հետ։ Մենք հուսով ենք, որ մենք հաջողության կհասնենք միջնորդության գործում»,- ասել է Էրդողանը։
Վերջինիս խոսքով` վստահելի հարաբերություններ է հաստատել ՌԴ նախագահ Վլադիմիր Պուտինի հետ, առանց որի անհնար կլինի վերականգնել Ռուսաստանի մասնակցությունը «ապրանքային գործարքին»:
