ՏԵՍԱՆՅՈՒԹ․ Եթե հայերը ղեկավարեին այս գյուղը, այս մարդիկ սովամահ ու ծարավ կլինեի՞ն․ ադրբեջանցի բլոգերը դիմել է Ալիևին
Ադրբեջանցի բլոգեր Մանաֆ Ջալիլզադեն Twitter-ում հրապարակել է Արցախի օկուպացված շրջաններից մեկում կառուցված «խելացի գյուղում» վերաբնակեցված ադրբեջանցու տեսագրությունը։ Տղամարդը բողոքում է, որ սեպտեմբերի 14-ից հացադուլ է անում։ Նրա խոսքով, Ալիևն այցելել է գյուղ և հասարակության մոտ տպավորություն է ստեղծվել, որ մարդիկ այստեղ շքեղ են ապրում, բայց իրականում ամեն ինչ այլ է։
Տղամարդը հայտնել է, որ տանը նույնիսկ աթոռ չունի և քնում է փայտե հատակին։ Բոլոր ապրանքները, նույնիսկ հացը, շատ թանկ են, մարդիկ աշխատանք չունեն։
«Մի քանի ամիս առաջ Ալիևը Կովսականում (Զանգիլանում) խելացի գյուղ ստեղծեց և շատ ընտանիքներ տեղափոխեց այնտեղ։ Այսօր այս գյուղի բնակիչները չեն կարողանում սնունդ և ջուր գտնել։ Բռնապետը պարզապես կեղծ շոու է ցուցադրում։ Եթե հայերը ղեկավարեին այս գյուղը, այս մարդիկ սովամահ ու ծարավ կլինե՞ին»,- նշել է ինքը՝ բլոգերը։
