ՏԵՍԱՆՅՈՒԹ․ ՌԴ սրճարաններից մեկում բռնկված հրդեհից զոհերի և վիրավորների թիվն ավելանում է
Կոստրոմայի «Պոլիգոն» սրճարանում բռնկված հրդեհի հետևանքով յոթ մարդ է մահացել, չորսը՝ վիրավորվել։ Այս մասին գրում է Ռիա նովոստին՝ հղում անելով Կոստրոմայի շրջանի դատախազության մամուլի ծառայությունանը։
«Յոթ զոհ, չորս վիրավոր»,- ասել է գործակալության զրուցակիցը։
Ավելի վաղ արտակարգ իրավիճակների ծառայությունները հայտնել էր հինգ զոհի և չորս վիրավորի մասին։ Զրուցակցի խոսքով՝ սրճարանում փլուզում է տեղի ունեցել, ամբողջ տանիքը՝ 3,5 հազար քմ. փլուզվել է:
Արտակարգ իրավիճակների նախարարության Կոստրոմայի շրջանի գլխավոր վարչությունից հայտնել են, որ հրշեջները մարել են կրակը:
Արտակարգ դրության հետ կապված դատախազությունը հետաքննություն է անցկացնում։
Դեպքի վայր է մեկնել նաև մարզի նահանգապետ Սերգեյ Սիտնիկովը՝ վերահսկելու աշխատանքների ընթացքը: Նա լսել է օպերատիվ ծառայությունների հաշվետվությունները, հանձնարարականներ տվել տուժածներին անհրաժեշտ աջակցություն ցուցաբերելու վերաբերյալ, հայտնում է մարզի ղեկավարի մամուլի ծառայությունը։
Նիկիտսկի փողոցում գտնվող «Պոլիգոն» սրճարանում բռնկված հրդեհի մասին լուրը ստացվել է նոյեմբերի 5-ին Մոսկվայի ժամանակով ժամը 02:37-ին, հրդեհի տարածքը կազմել է 3,5 հազար քմ: Հրդեհի մարմանը ներգրավվել է 50 մարդ և 20 միավոր տեխնիկա։ Այրվող սրճարանի հարեւանությամբ գտնվող տնից տարհանվել է 15 բնակիչ։ Ցրտից պաշտպանելու համար մարդկանց տեղավորել են մարդատար ավտոբուսներում։
