«Միգուցե արժե նստել բանակցությունների սեղանի շուրջ». Պեսկով
ԱՄՆ-ի ցանկությունը` լսելու Ռուսաստանի մտահոգությունները, այդ թվում՝ անվտանգությանը վերաբերող, կարող է հարթակ դառնալ երկրների առաջնորդներ Վլադիմիր Պուտինի և Ջո Բայդենի զրույցի համար, հայտարարել է Ռուսաստանի նախագահի մամուլի քարտուղար Դմիտրի Պեսկովը։ Տեղեկատվությունը փոխանցում է ՌԻԱ Նովոստին:
«Միացյալ Նահանգների ցանկությունը՝ լսելու մեր մտահոգությունները, այսինքն ՝ փաստացի Միացյալ Նահանգների ցանկությունը ՝ վերադառնալ դեկտեմբեր-հունվար ամիսներին, ցույց է տալիս, որ միգուցե արժե նստել բանակցությունների սեղանի շուրջ։ Ես նկատի ունեմ այն փաստաթղթերի նախագծերը, որոնք փոխանցվել են և Բրյուսել, և Վաշինգտոն», - ասել է Պեսկովը։
Հիշեցնենք` Ռուսաստանն ավելի վաղ ԱՄՆ-ին է փոխանցել անվտանգության երաշխիքների տրամադրման վերաբերյալ իր առաջարկները։
