Վերջին մեկ ամսվա ընթացքում ես և պարոն Պուտինը հինգ անգամ խոսել ենք. Էրդողան

Թուրքիայի նախագահ Ռեջեփ Թայիփ Էրդողանը պատմել է, թե վերջին մեկ ամսվա ընթացքում քանի անգամ է խոսել ռուս գործընկեր Վլադիմիր Պուտինի հետ, գրում է Kp. ru-ն:
 

«Միայն վերջին մեկ ամսվա ընթացքում մենք հինգ անգամ խոսել ենք պարոն Պուտինի հետ, նույնը՝ պարոն Զելենսկու դեպքում։ Մյուս կողմից մենք հեռախոսային դիվանագիտություն ունենք Միացյալ Նահանգների նախագահի հետ», - ասել է նա:
 

Էրդողանը նշել է, որ 20 տարի սերտ կապի մեջ է համաշխարհային առաջնորդների հետ։
 

Վերջին անգամ Ռուսաստանի նախագահ Վլադիմիր Պուտինը հեռախոսազրույց է ունեցել Թուրքիայի առաջնորդ Ռեջեփ Թայիփ Էրդողանի հետ 2022 թվականի հոկտեմբերի 7-ին։ Զրույցի թեմաներից մեկը եղել են ռուս-թուրքական երկկողմ հարաբերությունները և դրանց հետագա զարգացումը։

Մինչ այդ՝ սեպտեմբերի 3-ին, Վլադիմիր Պուտինն ու Ռեջեփ Թայիփ Էրդողանը կրկին հեռախոսազրույց են ունեցել։ Թուրքիայի ղեկավարը նշել է Ռուսաստանի կառուցողական դերը Զապորոժյեի ատոմակայանում Ատոմային էներգիայի միջազգային գործակալության առաքելության կազմակերպման գործում։