«Աշխարհն ավելի մեծ է, քան հավաքական Արևմուտքը». Պեսկովը` Ռուսաստանի տնտեսության մասին

Աշխարհն ավելի մեծ է, քան հավաքական Արեւմուտքը, Ռուսաստանի հետ համագործակցությամբ հետաքրքրված են այլ երկրներ, առավել եւս, որ տնտեսական համագործակցության վակուում չի լինում, լրագրողներին հայտարարել է ՌԴ նախագահի մամուլի քարտուղար Դմիտրի Պեսկովը: Տեղեկատվությունը փոխանցում է ՌԻԱ Նովոստին:
 

«Դուք գիտեք, որ Ռուսաստանի նկատմամբ կիրառվում են այսպես կոչված հավաքական Արևմուտքի երկրների կողմից հսկայական քանակությամբ պատժամիջոցներ։ Բայց աշխարհն ավելի մեծ է, քան հավաքական Արևմուտքը, և մի շարք այլ երկրներ, ընդհակառակը, ավելի շահագրգռված են տարածքը զբաղեցնելու իրենց բիզնեսով», - ասել է Պեսկովը:

Նա նշել է, որ այս իրավիճակում նոր հնարավորություններ են բացվում այլ երկրների, այդ թվում՝ արաբական երկրների համար։

Նրա խոսքով ՝ չնայած այն հանգամանքին, որ ժամանակները ծանր են, զարգացումը պետք չէ դադարեցնել, եւ դա անհրաժեշտ է ռուսական տնտեսությանը:

«Ինչպես տեսնում եք, այստեղ զարգացումը շարունակվում է։ Մեր երկիրը զարգանում է, չնայած ծանր ժամանակներին, եւ հետագայում նույնպես կզարգանա», - հավելել է Պեսկովը։