Կիևում ապամոնտաժվել է Պուշկինի հնագույն հուշարձաններից մեկը
Ուկրաինայում հերթական հուշարձանն է քանդվել: Կիևի կենտրոնում ապամոնտաժվել է ռուս բանաստեղծ Ալեքսանդր Պուշկինի հուշարձանը։ Այս մասին հայտնում է «Strana» հրատարակությունը։
«Կիևում մայրաքաղաքի կենտրոնում ապամոնտաժվել է «ռուսական աշխարհի» խորհրդանիշ Ալեքսանդր Պուշկինի հուշարձանը։ Ապամոնտաժումը նվիրված է եղել Ուկրաինայի զինված ուժերի լեյտենանտ Դենիս Անտիպովին..., ով մահացել է 2022 թվականի մայիսին»,- հայտնում է հրատարակությունը։
Նշենք, որ Պուշկինի ապամոնտաժված կիսանդրին բանաստեղծին նվիրված հուշարձանների թվում հնագույններից մեկն է համարվում: Այն կանգնեցվել էր բանաստեղծի ծննդյան 100-ամյակի կապակցությամբ՝ 1899 թվականին։
