Չինաստանը՝ ամենալուրջ քաղաքական մարտահրավեր, ՌԴ-ն՝ անվտանգության սպառնալիք. ԱՄՆ ազգային անվտանգության ռազմավարությունը

Ամերիկայի Միացյալ Նահանգները Ազգային անվտանգության ռազմավարության մեջ Չինաստանին շնորհել է «աշխարհաքաղաքական ամենալուրջ մարտահրավերի» կարգավիճակը, իսկ Ռուսաստանը՝ անվտանգության հրատապ սպառնալիք։ Այս տեղեկությունը նշված է Սպիտակ տան կայքում հրապարակված փաստաթղթի նոր տարբերակում։
 

«Մենք գիտակցում ենք, որ աշխարհաքաղաքական ոլորտում ՉԺՀ-ն ներկայացնում է աշխարհաքաղաքական ամենակարևոր մարտահրավերը», - ճեպազրույցում ասաց ԱՄՆ նախագահի խորհրդական Ջեյք Սալիվանը:
 

Փաստաթղթում նշվում է նաև, որ Ռուսաստանն ուղղակի վտանգ է ներկայացնում ազատ և բաց միջազգային համակարգի համար՝ «անպատասխանատու կերպով խարխլելով այսօրվա աշխարհակարգի հիմնական օրենքները»։