«Կիևի ռեժիմը դարձել է ահաբեկչական». Վոլոդինը Զելենսկուն համեմատել է բեն Լադենի հետ
ՌԴ Պետդումայի նախագահ Վյաչեսլավ Վոլոդինը Ուկրաինայի նախագահ Վլադիմիր Զելենսկիին դասել է միջազգային ահաբեկիչների շարքին և համեմատել նրան Ուսամա բեն Լադենի հետ։ Նրա մեկնաբանությունը հրապարակվել է Telegram ալիքում։
Նրա կարծիքով՝ երկուսն էլ ահաբեկիչներ են, և նրանց հետ հնարավոր չէ բանակցել։
«Կիևի ռեժիմը դարձել է ահաբեկչական... Արևմտյան քաղաքական գործիչները, որոնք աջակցում են Զելենսկու ռեժիմին, հովանավորում են ահաբեկչությունը: Այս կապակցությամբ ես կցանկանայի հիշեցնել ամբողջ աշխարհում հայտնի կանոնը՝ չի կարելի բանակցել ահաբեկիչների հետ»,- գրել է Վոլոդինը:
Պետդումայի խոսնակը բացատրել է, որ Զելենսկու հրամաններից առաջինը տուժում է ուկրաինացի ժողովուրդը։ Վոլոդինի խոսքով՝ ուկրաինացիները «իրականում նախագահի նացիստական քաղաքականության պատանդն են»։
Նա հիշեցրել է, որ Զելենսկու հրամանով իրականացվում է ատոմակայանների՝ Զապորոժիեի և Կուրսկի կարևոր ենթակառուցվածքների գնդակոծում։ Բացի այդ, ըստ Վոլոդինի, Կիևի իշխանությունները ներգրավված են Ղրիմի կամրջի վրա տեղի ունեցած ահաբեկչության մեջ։
