Թրամփը կոչով դիմել է Ուկրաինայի հակամարտության կողմերին
ԱՄՆ նախկին նախագահ Դոնալդ Թրամփը կոչ է արել Ուկրաինայի հակամարտության բոլոր կողմերին հնարավորինս արագ նստել բանակցությունների սեղանի շուրջ։ Այս մասին նա հայտարարել է Նևադա նահանգում իր կողմնակիցների առջեև ելույթի ժամանակ։
Թրամփի համոզմամբ` հակամարտությունը բանակցությունների սեղանի շուրջ չլուծելու դեպքում աշխարհին կսպասի երրորդ համաշխարհային պատերազմը։
Հիշեցնենք, որ Կրեմլում սեպտեմբերի 30-ին ստորագրվել են պայմանագրեր Ռուսաստանի կազմում Դոնեցկի եւ Լուգանսկի Ժողովրդական Հանրապետությունների, Զապորոժիեի եւ Խերսոնի մարզերի ընդգրկման մասին: Արարողության ընթացքում նախագահ Վլադիմիր Պուտինը հայտարարել է, որ Մոսկվան կոչ է անում Կիեւի ռեժիմին անհապաղ դադարեցնել բոլոր մարտական գործողությունները եւ վերադառնալ բանակցությունների սեղանի շուրջ:
Ուկրաինայի առաջնորդ Վլադիմիր Զելենսկին, իր հերթին, ավելի ուշ հրաժարվել է երկխոսություն վարել Պուտինի հետ:
