Հռոմի պապը դիմել է Պուտինին և Զելենսկուն
Հռոմի պապ Ֆրանցիսկոսը դիմել է Ռուսաստանի և Ուկրաինայի նախագահներ Վլադիմիր Պուտինին և Վլադիմիր Զելենսկուն՝ կոչ անելով վերջ դնել հակամարտությանը և անցնել խաղաղ երկխոսության։ Այս մասին հայտնում է TASS-ը:
Հռոմի պապն այդ մասին հայտարարել է այսօր: «Աղերսում եմ ՌԴ նախագահին կանգնեցնել պատերազմը՝ ելնելով նաև սեփական ժողովրդի հանդեպ ունեցած սիրուց։ Ուկրաինայի նախագահին էլ կոչ եմ անում բաց լինել մի շարք խաղաղ առաջարկների համար։ Միջազգային հանրության մյուս բոլոր ներկայացուցիչներին կոչ եմ անում անել ամեն հնարավորը, որպեսզի վերջ դրվի պատերազմին»,-ասել է նա: Հռոմի պապի խոսքով՝ Ուկրաինայում պատերազմի շրջադարձը կործանարար և վտանգավոր է, ինչը մեծ մտավախություններ է առաջացնում:
Հիշեցնենք, որ փետրվարի 24-ի առավոտյան Ռուսաստանը սկսել է Ուկրաինայի ապառազմականացման և ապաշրջափակման հատուկ գործողությունը: Ուկրաինայի նախագահ Վլադիմիր Զելենսկին Մոսկվային մեղադրել է երկրի ռազմական ենթակառուցվածքների վրա հարձակվելու մեջ և Ուկրաինայի ամբողջ տարածքում ռազմական դրություն է մտցրել՝ խզելով դիվանագիտական հարաբերությունները ՌԴ-ի հետ:
