«Փորձում ենք վերականգնել պատմական Մետաքսի ճանապարհը». Չավուշօղլու

Թուրքիայի արտգործնախարար Մևլութ Չավուշօղլուն հայտարարել է, որ Ադրբեջանի, Վրաստանի և Կենտրոնական Ասիայի երկրների հետ փորձում են վերականգնել պատմական Մետաքսի ճանապարհը: Այս մասին հայտնում են թուրքական լրատվականները:

Նրա խոսքով՝ պաշտոնական Անկարան ամեն մեկի հետ խոսում է նրան հասկանալի լեզվով։

«Օրինակ՝ Հունաստանի հետ մենք կխոսենք այն լեզվով, որը նա հասկանում է»,- ասել է Չավուշօղլուն։

Վերջինս նաև անդրադարձել է Արևելյան Միջերկրական ծովի վերջին զարգացումներին, այդ թվում՝ Կիպրոսի շուրջ ստեղծված իրավիճակին։

«Թուրքիան կոնկրետ քայլերով կպատասխանի հունական Կիպրոսի զենքի էմբարգոն չեղարկելու Վաշինգտոնի որոշմանը։ Եթե կղզում էսկալացիա եք ուզում, մենք պատշաճ կերպով կպատասխանենք»,- զգուշացրել է Չավուշօղլուն։