Մեծ Բրիտանիայի նոր միապետը կկոչվի Չարլզ III. Լիզ Թրաս

Մեծ Բրիտանիայի նոր թագավոր է դարձել արքայազն Չարլզը` վերցնելով Չարլզ III անունը: Այս մասին հայտնում է երկրի վարչապետ Լիզ Թրասը: 

Հիշեցնենք, որ րոպեներ առաջ հայտնի է դարձել, որ մահացել է Եղիսաբեթ Երկրորդ թագուհին: Վերջինիս մահից հետո բրիտանական գահը փոխանցվել է երկրի պատմության մեջ ամենաերկարակյաց միապետի ավագ որդուն՝ արքայազն Չարլզին: 

Մոտ ապագայում թագուհու մահվան կապակցությամբ կսկսվի «Լոնդոնի կամուրջ» պլանի իրականացումը` իրադարձություններ, որոնք շուտով տեղի կունենան Մեծ Բրիտանիայում և այլ երկրներում։
 

Մինչդեռ Մեծ Բրիտանիայի խորհրդանշական շենքերի վրա ծածանվող դրոշներն իջեցվում են: Երկրում 10-օրյա սուգ է հայտարարվել։

Նշենք, որ Ռուսաստանում անունների թարգամնության պատմականորեն ձևավորված առանձնահատկության պատճառով բրիտանացի նոր միապետի անունը կկոչեն ոչ թե Չարլզ III, այլ՝ Կառլ III: