Զելենսկին պատժամիջոցներ է սահմանել
Ուկրաինան պատժամիջոցներ է սահմանել ՌԴ իշխանության 606 ներկայացուցչի դեմ: Այս մասին հայտարարել է Ուկրաինայի նախագահ Վլադիմիր Զելենսկին թելեգրամյան ալիքում հրապարակված ուղերձում։
«Այսօր Ուկրաինայի ազգային անվտանգության և պաշտպանության խորհրդը կարևոր որոշում է ընդունել. պատժամիջոցներ են կիրառվել Ռուսաստանի իշխող վերնախավին պատկանող 606 ֆիզիկական անձի դեմ։ Ռուսաստանի Անվտանգության խորհրդի 28 անդամի, Դաշնային խորհրդի 154 անդամի, Ռուսաստանի Պետդումայի 424 պատգամավորի դեմ»,- նշել է Ուկրաինայի նախագահը։
Նա հավելել է, որ տվյալ անձնաց նկատմամբ արդեն իսկ ձեռնարկվել են մի շարք իրավական, դիվանագիտական ու քաղաքական միջոցներ, սակայն չի մանրամասնել՝ ինչ միջոցների մասին է խոսքը։ Վերջինս չի հրապարակել այն անձանց ցանկը, որոնց դեմ պատժամիջոցներ են սահմանվել։
