«Հիմա Արևմուտքը խուճապի մեջ է». Էրդողան

Թուրքիայի նախագահ Ռեջեփ Թայիփ Էրդողանը հայտարարել է, որ Արևմուտքը խուճապի մեջ է այն մտքից, թե ինչպես է անցկացնելու ընթացիկ ձմեռը՝ գների աճի պայմաններում։ Այս մասին հայտնում է ՌԻԱ Նովոստին:

Ուկրաինայում հատուկ ռազմական գործողության մեկնարկից հետո Արևմուտքը ուժեղացրեց պատժամիջոցների ճնշումը Ռուսաստանի վրա, ինչը հանգեցրեց էլեկտրաէներգիայի, վառելիքի և սննդամթերքի գների բարձրացմանը Եվրոպայում և ԱՄՆ-ում: Միևնույն ժամանակ, ինչպես նշել է ՌԴ նախագահ Վլադիմիր Պուտինը, Ռուսաստանին զսպելու և թուլացնելու քաղաքականությունը Արևմուտքի երկարաժամկետ ռազմավարությունն է, և պատժամիջոցները լուրջ հարված են հասցրել ողջ համաշխարհային տնտեսությանը։

«Էներգետիկ ճգնաժամի թեմա կա, գները բարձրանում են։ Հիմա Արևմուտքը խուճապի մեջ է, թե ինչպես է անցկացնելու այս ձմեռը։ Հուսով եմ, որ ողջամիտ քայլերով մենք կհաղթահարենք այս փորձությունները»,- ասել է Էրդողանը Խորվաթիայում կայացած մամուլի ասուլիսում։