Երբ և ինչպես է Վլադիմիր Սոլովյովը կապտուկներ ստացել. մանրամասներ

Հեռուստահաղորդավար Վլադիմիր Սոլովյովը կարող էր վիրավորվել «ոչ կոնտակտային մարտում» վարժության ժամանակ, գրում է Baza-ն՝ հղում անելով հեռուստահաղորդավար Միխայիլ Ռյաբկովի մարզիչին։
 

Նա ասել է, որ Սոլովյովը վերջերս մարզումներ է ունեցել և մրցամարտի է մասնակցել։ 

«Տեսականորեն դրանից հետո դեմքի վրա կարող են կապտուկներ առաջանալ»,- նշել է մարզիչը։
 

Ինքը՝ Ռյաբկովը, չի հավատում, որ հեռուստահաղորդավարը կարող էր վնասվածք ստանալ մարզման ժամանակ, քանի որ «Վլադիմիրն այնպիսի մարդ է, որ կհագցնի՝ ում ուզենա»։
 

Ըստ Baza-ի, զրույցի վերջում մարզիչը կատակել է, թե հնարավոր է՝ Սոլովյովը նման վնասվածք է ստացել կնոջ հետ մրցամարտի ժամանակ:

Ավելի վաղ հայտնել էինք, որ ռուս հեռուստահաղորդավար Վլադիմիր Սոլովյովը դուրս է եկել Solovyov Live հաղորդաշարի առավոտյան եթեր՝ դեմքին կապտուկներ ու քերծվածքներ։ Հաղորդումը դիտողները նկատել են, որ լրագրողի աչքի տակ և քթի վրա մի քանի բծեր են երևում, որոնք, կարծես հարվածի հետևանք լինեն։

Հաջորդ եթերում հեռուստահաղորդավարի դեմքի կապտուկները գրեթե անտեսանելի են եղել։ Ենթադրաբար, իրավիճակը փրկել են դիմահարդարները։