Բայդենը հրաժարվել է Ռուսաստանը ճանաչել որպես ահաբեկչության հովանավոր. դա ձեռնտու չէ ԱՄՆ-ին
ԱՄՆ նախագահ Ջո Բայդենը բացասաբար է արձագանքել այն հարցին, թե արդյոք Ռուսաստանը պետք է ճանաչվի ահաբեկչության հովանավոր պետություն, հայտնում է Reuters-ը։ Նախկինում նման բանաձեւ ընդունվել էր Կոնգրեսի կողմից, սակայն Պետդեպարտամենտը պարտավոր չէ այն իրականացնել. պետքարտուղար Բլինկենը դեմ է այս որոշմանը։
Ռուսաստանին որպես ահաբեկչության հովանավոր ճանաչելը կխաղա ամերիկացիների դեմ, այդ թվում՝ բիզնեսն այլևս չի կարողանա մասնակցել ռուսական միջուկային նյութերի գործարքներին, ինչպես նաև կհանգեցնի ուկրաինական հացահատիկի վերաբերյալ գործարքի ձախողմանը և նոր պատժամիջոցներին, որոնք չեն ձեռնտու Վաշինգտոնին:
Ավելի վաղ հայտնի էր դարձել, որ ԱՄՆ-ում հակամարտություն է ծագել իշխանության ճյուղերի միջև: Ինչպես գրել էր NYT-ը, ԱՄՆ պետքարտուղար Էնթոնի Բլինկենը դիմադրում է Կոնգրեսի համառ կոչերին՝ ճանաչելու Ռուսաստանը որպես «ահաբեկչության պետական հովանավոր»։
Ավելի վաղ ԱՄՆ Սենատը բանաձեւ էր ընդունել, որով ԱՄՆ Պետդեպարտամենտին կոչ էր անում ճանաչել Ռուսաստանը որպես ահաբեկչական երկիր։
