ԱՄՆ-ն և Մեծ Բրիտանիան կշարունակեն Ռուսաստանին պատասխանատվության ենթարկել. Բայդեն
Ամերիկայի Միացյալ Նահանգները և Մեծ Բրիտանիան կպահպանեն Ռուսաստանի դեմ Ուկրաինային աջակցելու միասնական մոտեցումը: Այս մասին հայտնում է РИА Новости-ն՝ հղում տալով ԱՄՆ նախագահ Ջո Բայդենի հայտարարությանը:
«Միացյալ Թագավորությունը և Միացյալ Նահանգները ամենամտերիմ բարեկամներն ու դաշնակիցներն են: Մենք պահպանում ենք ամուր և միասնական մոտեցում Ուկրաինայի ժողովրդին աջակցելու և Ռուսաստանին իր գործողությունների համար պատասխանատվության ենթարկելու հարցում»,- նշել է Բայդենը Մեծ Բրիտանիայի վարչապետի ընտրության հետ կապված հայտարարության մեջ:
Հիշեցնենք, որ Մեծ Բրիտանիայում նոր վարչապետ է ընտրվել երկրի նախկին ԱԳՆ ղեկավար Լիզ Թրասը:
