Պեսկովը՝ ռուս արտիստների մասին
Որոշ ռուս արտիստներ, այդ թվում նաև Մաքսիմ Գալկինը, վերջին շրջանում իրենց արատավորող հայտարարություններ են արել։ Այս մասին, ինչպես փոխանցում է ՏԱՍՍ գործակալությունը, կիրակի՝ սեպտեմբերի 4-ին լրագրողների հետ զրույցում ասել է ՌԴ նախագահի մամուլի քարտուղար Դմիտրի Պեսկովը։
Պատասխանելով ռազմական գործողության մեկնարկից հետո արտերկիր մեկնած մշակութային որոշ գործիչների՝ ՌԴ վերադառնալու վերաբերյալ հարցին՝ Պեսկովն ասել է, որ նրանք «Ռուսաստանի քաղաքացիներ են»։
«Կան արտիստներ, որոնք բառացիորեն արատավորել են իրենց բացարձակ անպարկեշտ ու անընդունելի հայտարարություններով։ Դա առանձին պատմություն է, և նրանց հետ մեր ուղիներ, ակնհայտ, նույնը հունով չեն գնում։ Ես չեմ լսել որևէ հայտարարություն Ալլա Պուգաչովայից, մինչդեռ նրա ամուսնուց՝ այո։ Նրա հետ մեր ճանապարհները, անշուշտ, նույնը չեն․ ամուսինը շատ վատ հայտարարություններ է արել», - հայտարարել է Պեսկովը՝ ընդգծելով, որ խոսքը բոլոր արտիստների մասին չէ։
