Ուկրաինան կարող է փոխարինել Ռուսաստանին. ինչ է առաջարկում Զելենսկին
Ուկրաինայի նախագահ Վլադիմիր Զելենսկին հայտարարել է Ուկրաինայի պատրաստակամության մասին՝ ավելացնելու էլեկտրաէներգիայի արտահանումը Եվրոպա՝ որպես մատակարար փոխարինելով Ռուսաստանին։ Այս մասին հայտնում է ՌԻԱ Նովոստին:
«Ուկրաինան պատրաստ է մեծացնել էլեկտրաէներգիայի արտահանումը Եվրոպա, բայց դրա համար կարևոր է, որ Զապորոժիե ԱԷԿ-ը մնա միացված ուկրաինական ցանցին: Մեր էներգիայի արտահանումը կարող է նվազեցնել Մոսկվայի ճնշումը Եվրոպայի և Իտալիայի վրա. չնայած բոլոր դժվարություններին, մենք կարող ենք օգնել ապահովել Իտալիայում էլեկտրաէներգիայի սպառման 8%-ը», - ասել է Զելենսկին:
Զելենսկին ընդգծել է, որ ռուսական ներկայությունը Զապորոժիեի կայարանում խանգարում է Ուկրաինային նպաստել Եվրոպայում էներգետիկ իրավիճակի կարգավորմանը։
