Պուտինը՝ Դուգինի դստեր սպանության մասին
Ռուսաստանի նախագահ Վլադիմիր Պուտինն արձագանքել է ռուս լրագրող Դարիա Դուգինայի սպանությանը: Հանգուցյալի ընտանիքին հղած ցավակցական ուղերձում նա նշել է․ «Ստոր, դաժան հանցագործությունը վերջ դրեց Դարիա Դուգինայի կյանքին։ Պայծառ, տաղանդավոր մարդ՝ իսկական ռուսական սրտով` բարի, սիրող, համակրելի և բաց: Լրագրող, գիտնական, փիլիսոփա, ռազմական թղթակից, նա ազնվորեն ծառայել է ժողովրդին, հայրենիքին, գործով ապացուցել է, թե ինչ է նշանակում լինել Ռուսաստանի հայրենասեր»։
Հիշեցնենք, որ նախօրեին Մոսկվայի Մոժայսկոե խճուղում պայթեցրել են ռուսաստանցի հասարակական գործիչ Ալեքսանդր Դուգինին պատկանող Land Cruiser ավտոմեքենան, որը վարելիս է եղել նրա 30-ամյա դուստրը՝ Դարյա Դուգինան։ Վերջինս տեղում մահացել է:
Քննչական կոմիտեի տվյալներով՝ ավտոմեքենայում, ենթադրաբար, պայթուցիկ սարք է գործարկվել։ Պայթյունը որոտացել է, երբ մեքենան ընթացքի մեջ է եղել։ Ենթադրաբար, պայթուցիկը նախատեսված է եղել հորը՝ Դուգինին սպանելու համար։
