ԱԻՆ խոսնակը՝ Փաշինյանի՝ ահաբեկչությունը «գրեթե բացառող» վարկածի մասին

«Սուրմալու» առևտրի կենտրոնի տարածքում ճեպազրույցի ժամանակ լրագրողներն ԱԻՆ մամուլի խոսնակ Հայկ Կոստանյանից հետաքրքրվեցին՝ ԱԻՆ-ում է՞լ են կիսում Նիկոլ Փաշինյանի կարծիքը, որ «Սուրմալու»-ում ահաբեկչական գործողությունները գրեթե  բացառվում են, «որովհետև ծուխ կար և մարդիկ փախչում էին»։

«Ըստ էության, գնահատականներն ԱԻՆ-ի մասով նույնն են, քանի որ տեսել ենք, կարծում եմ՝ բոլորդ եք տեսել այդ  ծուխը, կրակը, որից հետո եղել է պայթյունը։

Կարծում եմ՝ այդ առումով հարցերը կփակեն իրավապահ մարմինները, երբ արդեն կունենան ամբողջական պատկերն ու այդ մասով հայտարարություն կտարածեն»,- ի պատասխան, ասաց Հայկ Կոստանյանը։