Հայ և վրացի պաշտոնյաները հայ-վրացական սահմանին են․ նոր կամուրջ կբացվի
Հայաստանի վարչապետ Նիկոլ Փաշինյանը և Վրաստանի վարչապետ Իրակլի Ղարիբաշվիլին այսօր կմասնակցեն հայ- վրացական սահմանին Դեբեդ գետի վրա նոր ավտոմոբիլային «Բարեկամություն» կամրջի բացման պաշտոնական արարողությանը։ Այս տեղեկությունը Sputnik Արմենիային հայտնել են կառավարության մամուլի ծառայությունից։ Կամրջի բացման արարողությունը տեղի կունենա ժամը 14:00-ին: Ավելի վաղ հայտնել էինք, որ օգոստոսի 5–ից կամուրջը փորձնական գործարկվում է։
Հիշեցնենք` կամրջի շինարարությունը մեկնարկել է 2021 թվականի մայիսին։ Կառույցը բաղկացած է իրարից 1 մետր հեռավորության վրա գտնվող երկու զուգահեռ կամուրջներից, յուրաքանչյուր կամրջի լայնությունը 11.85 մ է, երթևեկելի հատվածի լայնությունը՝ 8.35մ, յուրաքանչյուր կամրջի երկարությունը՝ 160 մ: Կամրջի կառուցման արժեքը ինը մլն եվրո է, Հայաստանը և Վրաստանը 50/50 ֆինանսավորել են այն՝ տրամադրելով չորսուկեսական մլն եվրո։
