Էստոնիայի կառավարությունը հաստատել է պատժամիջոցները, որոնք սահմանափակում են վիզաների տրամադրումը Ռուսաստանի քաղաքացիներին և արգելում են մուտքը Էստոնիա՝ ռուսաստանցի այն քաղաքացիներին, ովքեր ունեն Էստոնիայի կողմից տրված վիզա և մտադիր են այցելել հանրապետություն՝ զբոսաշրջության, բիզնեսի, սպորտի կամ մշակույթի նպատակով:

«Սա նշանակում է, որ եթե Ռուսաստանի քաղաքացին, ում Էստոնիան տվել է Շենգենյան վիզա, և ում այցելության նպատակը զբոսաշրջությունը, բիզնեսը, սպորտը կամ մշակույթն է, ապա հաջորդ հինգշաբթի օրվանից նա չի կարող մտնի երկիր»,- ուրբաթ օրը հայտնել է կառավարության մամուլի ծառայությունը։

Կառավարությունը պարզաբանել է, որ Էստոնիա կարող են մուտք գործել Ռուսաստանի այն քաղաքացիները, ովքեր վիզա են ստացել Շենգենյան այլ երկրի կողմից կամ ովքեր արդեն գտնվում են Շենգենյան գոտում։ Երկիր մուտքի կամ դրա բացակայության օրինականությունը ստուգվում և ապահովվում է Ոստիկանության և Սահմանապահ վարչության կողմից