Թուրքիան և Ադրբեջանը դեռ շատ նպատակներ ունեն․ Ջեյհուն Բայրամով
Թուրքիան և Ադրբեջանը դեռ շատ նպատակներ ունեն իրականացնելու, հայտարարել է Ադրբեջանի արտգործնախարար Ջեյհուն Բայրամովը՝ ելույթ ունենալով Անկարայում դեսպանների 13-րդ համաժողովում։
«Մեր հարաբերություններում մենք արդեն հասել ենք տարբեր միջազգային հարթակներում թուրք դիվանագետների կողմից Ադրբեջանի շահերի պաշտպանության և առաջխաղացման մակարդակին, և ադրբեջանցի դիվանագետների կողմից՝ Թուրքիայի շահերը որպես պետական շահեր ներկայացնելու մակարդակին... Մեր հարաբերությունները բարձրացել են ռազմավարական դաշինքի մակարդակի»,- Ադրբեջանի արտգործնախարարի խոսքերը մեջբերել են տեղական լրատվամիջոցները։ |