Ռուսաստանի ՊՆ-ն՝ Ղրիմում 10-ից ավել պայթյունի մասին

Օգոստոսի 9-ին, ժամը 15.20-ի սահմաններում, Նովոֆեդորովկա բնակավայրի մերձակայքում գտնվող Սակիի օդանավակայանի տարածքում մի քանի ավիացիոն զինամթերք է պայթեցվել։ Այս մասին հայտնում է ՌԴ ՊՆ-ն։ 

Պայթյունի հետևանքով ոչ ոք չի տուժել։ Օդանավակայանի ավիացիոն տեխնիկան չի վնասվել։ Միջոցներ են ձեռնարկվում հրդեհը մարելու և պայթյունի պատճառները պարզելու ուղղությամբ։

Կայքից ստացված հաղորդագրության համաձայն՝ օդանավակայանի զինամթերքի պահեստային տարածքի վրա կրակի ազդեցություն չի եղել։