ՏԵՍԱՆՅՈՒԹ. Իրանում ջրհեղեղի հետևանքով կան տասնյակ զոհեր ու անհետ կորածներ
Իրանում վերջին մեկ շաբաթվա ընթացքում առնվազն 69 մարդ է զոհվել հեղեղումների հետևանքով: Այս մասին շաբաթ հայտարարել է Իրանի Կարմիր մահիկի ընկերության արտակարգ գործողությունների բաժնի ղեկավար Մեհդի Սալեհփուրը, փոխանցում է ТАСС-ը։ Նա հավելել է, որ երկրում այս պահին 32 մարդ համարվում է անհետ կորած: Գործակալությունը նշում է, որ տարերային աղետից տուժել են Իրանի 31 նահանգներից 18-ը, ամենաշատը տուժել են Բախտիարիան, Սպահանը, Յեզդը, Լուրեստանը, Մազանդարանը, Թեհրանն ու Չեխարմեհալը:
