Բլինքենն ու Լավրովը կբանակցեն Ուկրաինայում պատերազմից հետո առաջին անգամ
ԱՄՆ պետքարտուղար Էնթոնի Բլինքենը և Ռուսաստանի արտգործնախարար Սերգեյ Լավրովը կբանակցեն։
Բանակցությունների մասին անոնսել է ինքը՝ Բլինքենը:
ԱՄՆ պետքարտուղարը հայտարարել է, որ Ռուսաստանի արտգործնախարար Սերգեյ Լավրովի հետ բանակցությունների ընթացքում մտադիր է քննարկել, մասնավորապես, Ռուսաստանում ձերբակալված ամերիկացիներ Փոլ Ուիլանի և Բրիթնի Գրայների ճակատագիրը և նրանց հնարավոր փոխանակումը ռուս Վիկտոր Բուտի հետ:
Ինչպես գրում է RTVI-ը՝ սա կլինի Բլինքենի և Լավրովի առաջին հանդիպումը ռուսական հատուկ գործողության սկզբից ի վեր։
