Գազաբալոնների լիցենզավորման ժամկետը չի երկարաձգվել․ մանրամասներ
Քիչ առաջ Auroranews են դիմել մի քանի վարորդներ, որոնց մեքենաներում գազաբալոններ են տեղադրված։ Նրանք նշեցին, որ ինչ-որ մարդիկ տեղեկություններ են տարածել, թե գազի բալոնների լիցենզավորման ժամկետը հետաձգվել է միջև տարեվերջ։ Հարգելի վարորդներ, Auroranews-ը կապ հաստատեց Տարածքային կառավարման եւ ենթակառուցվածների նախարարության աշխատակիցների հետ որտեղից ասացին, որ նշված խոսակցությունները անհիմն են՝ չկա նման բան։
«Նման հարց չի քննարկվում։ Ինչ վերաբերում է հատուկ արտադրության, գործարանային գազաբալոններին, որոնց պատճառով վարորդների մի մասին գազաբալոնի վկայագիր չեն տրամադրում, ապա այս հարցով նախարարությունում այսօր քննարկում է անցկացվելու»,- նշեցին գերատեսչությունից։
Ավելի վաղ ներկայացրել էինք այն ընկերությունների ցանկը որոնք իրականացնում են ավտոմեքենաների գազաբալոնների լիցենզավորում։
