«Վաշինգտոնը չափազանց շատ գումար է հատկացնում Ուկրաինային». Թրամփ
ԱՄՆ նախկին նախագահ Դոնալդ Թրամփը կարծում է, որ Վաշինգտոնը չափազանց շատ գումար է հատկացնում Ուկրաինային՝ համեմատած եվրոպական երկրների հետ։ Այդ մասին նա հայտարարել է շաբաթ օրը՝ ելույթ ունենալով Ֆլորիդայում՝ ուսանողական համաժողովում։
«Եթե նայեք Ուկրաինային, մենք նրանց ավելի քան 60 միլիարդ դոլար ենք տվել: Եվրոպական երկրները, որոնք ակնհայտորեն ավելի շատ են տուժել, քան մենք, տվել են այս գումարի միայն չնչին մասը: Բայց մենք ունենք 35 տրիլիոն դոլար պարտք: Մենք խնդիրներ ունենք, և գումար ենք հանում»,- ասաց նա։
Թրամփը կրկնել է այն պնդումը, որ Ուկրաինայում հակամարտությունը տեղի չէր ունենա, եթե ինքը լիներ ԱՄՆ նախագահը:
