Իտալիայի վարչապետը հրաժարական է տվել

 Իտալիայի վարչապետ Մարիո Դրագին հրաժարական է տվել։ Այս մասին ասված է Իտալիայի Հանրապետության Նախագահ Սերջիո Մատարելլայի կայքում հրապարակված հայտարարության մեջ։ Իտալիայի նախագահն ընդունել է վարչապետի հրաժարականը։ Դրագիի կառավարությունը կմնա իշխանության ղեկին՝ «ընթացիկ հարցերը լուծելու համար»։ 

Հիշեցնենք, Իտալիայի վարչապետ Մարիո Դրագին հինգշաբթի խորհրդարանի ստորին պալատում հայտարարել է, որ գնում է երկրի նախագահ Սերջիո Մատարելլայի մոտ, որպեսզի հրաժարական տա։ Չորեքշաբթի Իտալիայի Սենատը վստահություն է հայտնել վարչապետին, բայց՝ ձայների նվազագույն քանակով: Քվեարկությանը մասնակցել է սենատորների կեսից պակասը: