Ջենիֆեր Լոպեսը և Բեն Աֆլեքը գաղտնի ամուսնացել են
Հոլիվուդյան աստղեր Ջենիֆեր Լոպեսը և Բեն Աֆլեքը ամուսնացել են: Արարողությունն անցկացվել է գաղտնի, սակայն TMZ-ին հաջողվել է ստանալ ամուսնությունը հաստատող դատական արձանագրությունները:
Ինչպես հայտնում է Rg.ru-n, Ջենիֆերի և Բենի սիրո պատմությունը սկսվել է դեռ 2002 թվականին, միաժամանակ զույգը նշանադրվել է։ Բայց հարսանիքից առաջ այն չեղարկվել է։ 2004 թվականին նրանք բաժանվել են և սկսել են նոր հարաբերություններ կառուցել։ Ջենիֆեր Լոպեսն ամուսնացել է և ունեցել երկու երեխա, սակայն ամուսնությունը չի հաջողվել, և երգչուհին ամուսնալուծության հայց է ներկայացրել։ Բեն Աֆլեքը նույնպես ամուսնացել է, նա երեք երեխա ունի, ամուսնալուծվել է 2018 թվականին։
Տարեսկզբին պապարացիները նկատել են, որ Ջենիֆեր Լոպեսը սկսել է նշանադրության մատանի կրել։ Հետո երգչուհուն նկատել են կահույքի խանութում, նա ակնհայտորեն պատրաստվում էր նոր տան կահավորմանը։ Ջենիֆեր Լոպեսն այնուհետ համարձակ քայլ է արել և տեսաուղերձ է ձայնագրել իր երկրպագուների համար, որտեղ ցույց է տվել մատանին։
Ջենիֆեր Լոպեսի և Բեն Աֆլեքի հարսանիքի օրը նախապես չի հայտարարվել։ Արարողությունը տեղի է ունեցել Նևադայի Քլարկ կոմսությունում։
