Հորմուզի նեղուցով վերջին ժամերին ռեկորդային քանակությամբ նավթ է անցել. Թրամփ

Դոնալդ Թրամփը տեղեկացրել է, որ Հորմուզի նեղուցն ամբողջությամբ բաց է, և վերջին ժամերին այդտեղով նավթի ռեկորդային քանակություն է անցել:

Սպիտակ տան ղեկավարի ձևակերպմամբ՝ մյուս կարևորագույն ձեռքբերումն այն է, որ Իրանը երբեք չի տիրապետի միջուկային զենքի։

ԱՄՆ նախագահն անդրադարձ է կատարել նաև իրանական ակտիվների ապասառեցման խնդրին՝ ընդգծելով, որ այդ ֆինանսական միջոցները հատկացվելու են Ամերիկայի Միացյալ Նահանգներից սննդամթերք ձեռք բերելուն։

«Եթե Թեհրանը չկատարի հուշագրով ստանձնած պարտավորությունները կամ պատշաճ վարքագիծ չդրսևորի, ես կանեմ այն, ինչ պետք է»,- նախազգուշացրել է Սպիտակ տան ղեկավարը: