Հունիսի 28-ին Երևանի կենտրոնական մի շարք փողոցներում ժամանակավորապես կսահմանափակվի երթևեկությունը

Հունիսի 28-ին «PREPA Run» վազքի անցկացման պատճառով մայրաքաղաքի կենտրոնական մի շարք փողոցներում ժամանակավորապես կսահմանափակվի տրանսպորտային միջոցների շարժը։

Տեղեկացնում ենք, որ սահմանափակումները կիրառվելու են ըստ հետևյալ ժամանակացույցի․

• 06:30–09:00-ն փակ են լինելու Հանրապետության փողոցը (Արամի փողոցի խաչմերուկից մինչև Վազգեն Սարգսյան փողոց ընկած հատվածը) և Փավստոս Բուզանդի փողոցը։

• 07:30–10:00-ն դադարեցվելու է երթևեկությունը Խանջյան փողոցում, Տիգրան Մեծի պողոտայում և Երվանդ Քոչարի փողոցում։

• 07:30–10:30-ն տրանսպորտի համար անհասանելի կլինեն Ալեք Մանուկյան, Ավետիք Իսահակյան, Տերյան, Թումանյան և Աբովյան փողոցները։

• 08:00–12:00-ն փակվելու են Վազգեն Սարգսյան, Բեյրութի, Արգիշտիի, Հակոբ Պարոնյան, Պռոշյան փողոցները, Մաշտոցի և Մարշալ Բաղրամյան պողոտաները, ինչպես նաև Մոսկովյան փողոցը (մինչև Մաշտոցի պողոտա)։

Հարկ է ուշադրություն դարձնել, որ նշված փողոցների փակման պատճառով երթևեկության մասնակի սահմանափակումներ կարող են առաջանալ նաև հարակից վայրերում, այդ թվում՝ Ամիրյան, Խորենացու և Գրիգոր Լուսավորչի փողոցներում։