12:00 Լուրերը մեկ տողով. Զինծառայող է վնասվել, լեզվակռիվ ու ծեծկռտուք Երևանի ավագանիում

Անցած ժամվա լուրերը՝ հակիրճ և բովանդակային.

• Երևանի ավագանու նիստում լարված իրավիճակ է ստեղծվել իշխանական և ընդդիմադիր խմբակցությունների միջև, որը վերածվել է ծեծկռտուքի։ Վիճաբանությունը սկսվել է ընտրությունների արդյունքների քննարկման ընթացքում։

• «Հայաստան» խմբակցության պատգամավոր Իշխան Սաղաթելյանը հայտարարել է, որ իր դեմ հարուցված քրեական գործը քաղաքական հետապնդում է համարում։ Նրա խոսքով՝ իրավապահների գործողությունները անհամաչափ են եղել։

• Պաշտպանության նախարարությունը հայտնել է, որ ուսումնական վարժանքների ժամանակ վնասվածք ստացած զինծառայողը վիրահատվել է։ Նրա կյանքին վտանգ չի սպառնում։

• Կրեմլից հայտնել են, որ Նիկոլ Փաշինյանի հնարավոր այցի վերաբերյալ Մոսկվա դեռևս որևէ հստակ պայմանավորվածություն չկա։

• ՌԴ-ում օտարերկրյա քաղաքացիներին խորհուրդ է տրվում նախքան երկիրը լքելը ստուգել իրենց միգրացիոն կարգավիճակը՝ հնարավոր սահմանափակումներից և խնդիրներից խուսափելու համար։

• Դաղստանում խոշոր քարաթափման հետևանքով ճանապարհը փակվել է երթևեկության համար։ Մաքրման աշխատանքները ժամանակավորապես դադարեցվել են անվտանգության նկատառումներով։

• Վաշինգտոնում նախատեսված է Իսրայելի և Լիբանանի միջև բանակցությունների նոր փուլը՝ ԱՄՆ-ի միջնորդությամբ։ Կողմերը փորձում են առաջընթաց գրանցել շարունակվող հակամարտության ֆոնին։