ՊՆ-ն արձագանքել է զորավարժության ընթացքում զինծառայողի վիրավորման դեպքին

Ավելի վաղ՝ Auroranews.am կայքը՝ հղում անելով  ArmLur.am-ին հայտնել էր, որ Փամբակի ուսումնական զորամասում ուսումնական վարժանքների ժամանակ զինծառայող է վնասվածք ստացել։

Auroranews.am-ը կապ հաստատեց ՀՀ Պաշտպանության նախարարության հետ՝ մանրամասներ ճշտելու համար։ Նախարարությունից մեզ հայտնեցին․

«Զինծառայողը վիրահատվել է, գտնվում է բժիշկների հսկողության ներքո, նրա կյանքին վտանգ չի սպառնում։ Առռողջության և զինծառայողի այլ անձնական տվյալներ չենք կարող հաղորդել, քանի որ համապատասխան օրենքները (անձնական տվյալների և բժշկական գաղտնիքի մասին) թույլ չեն տալիս»,-  հայտնեցին գերատեսչությունից։