Էրդողանը ժամանել է Թեհրան
Թուրքիայի նախագահ Ռեջեփ Թայիփ Էրդողանը ժամանել է Թեհրան: Այստեղ նախատեսված են նրա հանդիպումները ռուս և իրանցի գործընկերների հետ։
Ակնկալվում է, որ Թուրքիայի ղեկավարը կմասնակցի նաև Թուրքիա-Իրան բարձր մակարդակի համագործակցության խորհրդի 7-րդ նիստին և Աստանայի ձևաչափով եռակողմ 7-րդ գագաթնաժողովին։
ՄԱԿ-ը կհետևի Թեհրանում կայանալիք գագաթնաժողովին՝ Ռուսաստանի նախագահ Վլադիմիր Պուտինի, Իրանի նախագահ Իբրահիմ Ռաիսիի և Թուրքիայի նախագահ Ռեջեփ Թայիփ Էրդողանի մասնակցությամբ, տեղեկացնում է «ՌԻԱ Նովոստի»-ն՝ հղում կատարելով ՄԱԿ գլխավոր քարտուղարի պաշտոնական ներկայացուցչի տեղակալ Ֆարհան Հաքին:
«Մենք հետևելու ենք այդ հանդիպմանը և կտեսնենք, թե ինչպիսին կլինեն արդյունքները»,-ասել է նա:
