Վլադիմիր Պուտինը փոխհատուցեց արևմտյան պատժամիջոցների վնասը․ The Wall Street Journal
Ռուսաստանի նախագահ Վլադիմիր Պուտինը փոխհատուցեց արևմտյան պատժամիջոցների վնասը՝ գազի մատակարարումները վերահղելով ասիական շուկա, գրում է Ջերալդ Սաբեն The Wall Street Journal-ի համար։
«Պուտինը որոշ պատճառներ ունի ուրախանալու իր ծրագրով։ Տնտեսական առումով նա զգալի քանակությամբ նավթ է վաճառում Հնդկաստանին և ուսումնասիրում է Պակիստանին բնական գազ վաճառելու հնարավորությունը»,– ասվում է հրապարակման մեջ։
Բացի այդ, ըստ հեղինակի, Ռուսաստանի նախագահը հաջողություններ ունի նաև դիվանագիտական ճակատում։ Հոդվածագիրը հիշեցնում է, որ 35 երկրներ, այդ թվում՝ Հնդկաստանը, Չինաստանը և Հարավային Աֆրիկան, մարտի սկզբին ՄԱԿ-ի Գլխավոր ասամբլեայի հատուկ նստաշրջանում հրաժարվել են դատապարտել հատուկ գործողությունը։
Լրագրողը նշում է, որ Մոսկվան Ուկրաինայի շուրջ ստեղծված իրավիճակի պատճառով Արևելքի և Արևմուտքի հարաբերությունների վատթարացման ֆոնին նոր ցանց է կառուցում դիվանագիտության, տնտեսության և անվտանգության ոլորտում Հյուսիս-Հարավ առանցքի երկայնքով։ Չինաստանը Ռուսաստանի առանցքային դաշնակիցն է, որը առևտուր և ներդրումներ է կատարում Ասիայում, Լատինական Ամերիկայում և Աֆրիկայում:
