3 մեքենայի մասնակցությամբ վթար Ջրվեժ-Աբովյան ավտոճանապարհին
Ողբերգական վթար է տեղի ունեցել այսօր ցերեկը Ջրվեժ-Աբովյան ավտոճանապարհին՝ «Ծիրանի» ռեստորանի մոտակայքում։
ԱԻՆ–ից հայտնում են, որ ահազանգը ստացվել է ժամը 15։29–ին։ Դեպքի վայր մեկնած փրկարարները պարզել են, որ բախվել են «Mercedes-Benz E220», «Mercedes-Benz C180» և «Hyundai Sonata» մակնիշների ավտոմեքենաները։ «Mercedes-Benz C180» մակնիշի ավտոմեքենայի վարորդը տեղում մահացել է, իսկ ուղևորը՝ հոսպիտալացվել Աբովյան քաղաքի ԲԿ։
Ինչպես հայտնում է shamshyan.com-ը, Ֆոտոլրագրողը հայտնում է, որ ըստ նախնական տեղեկությունների, Hyundai Sonata-ն դեպի Ջրվեժ ընթանալիս, նախ բախվել է Mercedes C-180-ին, ապա դուրս եկել հանդիպակած գոտի, բախվել Mercedes E-220-ին, ապա վրաերթի ենթարկել 2 հոգու և հայտնվել շինության քարե պարսպի մոտ: Վրաերթի ենթարկվածներից մեկը տեղում մահացել է, մեկը՝ տեղափոխվել հիվանդանոց: Ոստիկանությունն ու քննչական բաժինը պարզում են վարորդների, մահացածի և վիրավորի ինքնությունը:
