Գերմանիան էներգետիկ անվտանգության խնդիրներ կարող է ունենալ. Գերմանիայի կանցլեր

Գերմանիայի կանցլեր Օլաֆ Շոլցը ողջունում է «Հյուսիսային հոսք» գազատարի համար գազատուրբին փոխանցելու վերաբերյալ Կանադայի իշխանությունների որոշումը։ 

«Մենք ողջունում ենք մեր կանադացի ընկերների և դաշնակիցների որոշումը»,- մեջբերում է Welt-ը Շոլցի խոսքերը։ 

Հունիսի կեսերին «Գազպրոմը» հայտարարել էր. որ կարող է օրական ընդամենը 67 միլիոն խորանարդ մետր գազ մատակարարել «Հյուսիսային հոսք»-ին՝ 167 միլիոն խորանարդ մետր ծրագրված ծավալի փոխարեն։ 

Գերմանիային էներգետիկ ռեսուրսներով ապահովելու հարցն էլ դեռ երկար կմնա օրակարգում, ասել է կանցլեր Օլաֆ Շոլցը։ 

Նրա խոսքով` իշխանությունները փորձում են հնարավորինս պատրաստվել հնարավոր դեֆիցիտին։ Խոսքը, ի թիվս այլ բաների, հեղուկ բնական գազի խողովակաշարերի և տերմինալների կառուցման, ինչպես նաև էներգիայի վերականգնվող աղբյուրների գործարկման մասին է։ Միևնույն ժամանակ, Շոլցը մանրամասնել է, որ նման միջոցներ կպահանջվեն առաջիկա ձմռանից հետո։