ՏԵՍԱՆՅՈՒԹ. Ռուս հաքերները հանրայնացրել են ուկրաինական հետախուզության 1000 աշխատակիցների տվյալներ
RaHDIt հաքերները հանրայնացրել են ուկրաինական հետախուզության 1000 աշխատակիցների տվյալներ: Այս մասին գրում է Readovka-ն:
Նշվում է, որ հրապարակվել են ոչ միայն Ուկրաինայի նախարարության գլխավոր հետախուզության վարչության աշխատակիցների անձնական գործերը, այլև լուսանկարները, ծննդյան տարեթվերը, հեռախոսահամարները, գրանցման հասցեները և սոցիալական ցանցերի հղումները: Հրապարակվել են նաև տարբեր երկրներում, այդ թվում՝ Լեհաստանում, Հունգարիայում, Բուլղարիայում և Սլովակիայում ուկրաինական հետախուզական գործունեության կուրատորների տվյալները։
«Մենք կարծում ենք, որ ուկրաինական ռազմական հետախուզությունն անմիջականորեն մասնակցում է ազգայնականության զարգացմանը, և նրանց դիվերսանտները սպառնում են մեր երկրին», - հայտնել են RaHDIt-ից:
Տեղեկությունը արտահոսել է Nemesis ռեսուրսի միջոցով: Ռուս հաքերները նաև հայտարարել են, որ մանրամասնորեն լուսաբանվում են այն անձանց անունները, ովքեր աշխատում են դեսպանատների քողի տակ և «աշխարհի տարբեր երկրներում լրտեսական ցանցեր են հյուսում»։
